Mae Tir Coed yn annelu i wella ansawdd bywyd cymunedau gwledig Cymru trwy ddefnyddio coed a choedwigoedd er mwyn cynnal a mwyhau gwerth cymdeithasol, economaidd, ecolegol a diwyllianol coed i'r dyfodol.

Sefydlwyd Tir Coed yn 1999 gan bartneriaeth o sefydliadau cefngwlad i hybu buddion coedwigoedd trwy Gymru. Mae'r sefydliad wedi datblygu mewn cytgord a blaenoriaethau Llywodraeth Cynulliad Cymru, sef iechyd, cynhwysedd cymdeithasol ac addysg. Yn 2006, cofrestrwyd Tir Coed fel Elusen (Rhif Elusen - 1115229).

Amcan yr Elusen yw mwyafu addysg mewn sgiliau yn ymwneud â choed, ac i ddatblygu, hyrwyddo ac annog darpariaeth o gyfleusterau o fewn coedwigoedd, i wella iechyd a llês cymdeithasol, er mwyn addysg a hamdden unigolion o fewn cefn gwlad Cymru sydd ag angen am y cyfleusterau hyn oherwydd eu hoed, anabledd corfforol neu feddyliol, caledi ariannol neu amgylchiadau cymdeithasol, gyda'r nôd o wella ansawdd eu bywydau.

Mae Tir Coed yn annelu i gyflawni hyn trwy:

• Hyrwyddo cymunedau i gymeryd rhan mewn gweithgareddau, sy'n hybu iechyd a sgiliau cymdeithasol, o fewn coedwigoedd lleol

• Ceisio cyfleoedd i ddatblygu sgiliau, rhwydweithiau a dysg o fewn cymunedau gwledig er mwyn galluogi coedwigoedd i gael eu defnyddio i gataleiddio datblygiad economaidd cynaliadwy

• Ymateb i a chefnogi anghenion pobl lleol

• Ceisio partneriaid i redeg gweithgareddau o fewn coedwigoedd a chysylltu gyda prosiectau eraill trwy Gymru wledig sy'n ymwneud a'r gymdeithas, iechyd, adfywio ac addysg oes

• Ymdrin a'r holl weithgareddau mewn ffordd hyblyg er mwyn cwrdd a gofynion y grwp neu'r unigolyn

Swyddog Gogledd Cymru - Gwyneth Davies
Ffôn: 01974 282476  e-bost-gwyneth@ystwyth-tircoed.fsnet.co.uk

Swyddog De Cymru - Becky Hulme
Ffôn: 01570 493224  e-bost-becky-tircoed@fsmail.net

• Cartref • Prosiectau Presennol • Prosiectau'r Gorffennol • Y Staff • Cysylltiadau Defnyddiol • Cysylltwch •